تجربتي مع د سعد الموسى
بعد بحث طوييل عن أفضل جراح تجميل , رحت للدكتور سعد الموسى لما شفت نتيجة بنت خالتي بنحت الجسم والحمدلله اني رحت له
من بعد ولاداتي المتكررة خرب جسمي مره وصرت دايم البس ملابس وسيعة عشان ماتبين عيوب جسمي , سويت تكميم وزاد الوضع سوء مع الترهلات الي صارت لي
ومن هنا قررت افضل قرار بحياتي وهو اني اتغير للأجمل وارتاح من مشكلتي , وفعلا حجزت اقرب موعد ورحت للدكتور سعد
وقت الاستشارة كان مررره متفهم وضعي وحسيت اني مع طبيب نفسي وجراح تجميل بنفس الوقت , فهم انه مشكلتي الاساسية اني فقدت الثقة بنفسي بسبب شكل جسمي الي أثر على حياتي الاجتماعية بشكل كبير
جلست حول 25 دقيقة بالاستشارة وكنت كاتبة كل الاسئلة اللي ببالي وسألتها للدكتور وجاوبني عليها وكان باله طويييل معي , وهذا كابتشر للأسئلة اللي كنت مجهزتها
بعد الاستشارة ..
طلعت من العيادة وأنا مرتاحة مرره ورجعت البيت استخرت وثاني يوم كلمت منسقة د سعد الموسى على طوول تحجز لي موعد عملية , وكانت متعاونة معي مره وحطت لي موعد قريب على انه كان صعب اني القى موعد متاح بالوقت الي اخترته
د سعد الموسى قرر لي شفط بطن وظهر وخصر مع شد للبطن و حقن بسيط للمؤخرة وهذا بالظبط الي طلبته
يوم العملية !
رحت مواصلة للعملية مشاعر خوف مع حماااس للنتيجة كنت مرة متلخبطة بس كل شوي أهدي نفسي وأقول لما اصحى واشوف النتيجة رح انسى كل هذه القروشة اللي انا فيها
حضرت الصباح بدري وكنت صايمة والمنسقة استقبلتي وودتني غرفتي الي راح اطلع عليها حطيت اغراضي فيها
طبعا كنت مجهزة شنطة من الليل فيها كل الاشياء اللي احتاجها , اخذت معي :
-فرشاة اسنان ومعجون
-ملابس قطن وسيعة
اخذت سناكات صحية الي انا احبها
ومناشف استخدام مرة واحدة
وكنتت طالبة [مبولة] عشان تسهل علي الدخول لدورة المياه
والعيادة عطوني مخدة خاصة للجلوس عليها , لأن عمليتي فيها حقن دهون بالمؤخرة + والمشد الي بعد العملية
بعد العملية
اول ما صحيت كنت دايخة مرره وكانوا مركبين لي انبوب تصريف السوائل واحد بالبطن وواحد بالظهر , وكانوا ملبسيني المشد والفوم
الشي اللي اسعدني اني اول مافتحت عيوني لقيت باقة ورد وكرت يتحمدون لي فيه بالسلامة
بعدها بديت امشي شوي شوي مع الممرضة وكان المشي بطئ جدا ومتعب
اول موعد مراجعة
أول موعد مراجعه لي كان بعد اسبوع من العملية , وقتها كنت اخذ المسكنات الي وصفها لي الدكتور و رحت عشان يشيك على الندبة وعلى تصريف السوائل ,
كنت مرة خايفة من اللي اسمعه واني مارح اقدر امشي بعد العملية لكن الحمدلله رحت الموعد بدون مرافق حتى ! حركتي كانت سلسة والالم مع المسكنات ابدا ماحسيت فيه
اول شي جتني الممرضة وسوت لي غيار للندبة وبعدها شافني الدكتور وكنت مسجلة كمية السوائل بورقة مثل ما قال لي , وقتها ظهري كان في سوائل وسحبها لي الدكتور بالمراجعة مره خف الالم معي بعدها وقال لي اجيه مره ثانية بعد اسبوع
حجزت بنفس العيادة جلسات مساج لمفاوي عشان تساعدني بتخفيف التورمات وتصريف السوائل اللي تجمعت بجسمي بعد العملية لما اخلص الجلسة كنت احس براحة كبيرة واحس اني خفيفة مره
ندبة شد البطن بعد عمليتي مع د سعد الموسى
أكثر شي كنت افكرفيه هو الندبة وخفت مره يكون شكلها مو مقبول او تكون واضحة لكن الحمدلله ابدااا مو واضحة ومستقيمة , ومكانها يعتبر مخفي بالملابس الداخلية الفضل من بعد الله لخياطة الدكتور فاقت توقعاتي !!
وقال لي انها راح تتحسن اكثر مع الوقت والاهتمام
نتيجتي واخييراا
على اني ما كنت احب اتصور بجسمي قبل الا اني وثقت قبل العملية عشان اشوف الفرق , ومازلت لليوم كل ما اشوف الصور انبسط وكأني اول مره اشوف شكلي بعد العملية
